काठमाडाैँ । भारतीय विमान कम्पनी ‘एयर इन्डिया’ले थप ३० वटा बोइङ ७३७ म्याक्स विमान खरिद गर्ने बिहीबार घोषणा गरेको छ । भारतीय पूर्व राष्ट्रिय ध्वजाबाहक ‘एयर इन्डिया’ले सन् २०२२ मा कम्पनीको स्वामित्व टाटा समूहले ग्रहण गरेदेखि कम्पनीलाई आक्रामक रूपमा आधुनिकीकरण गरेको छ ।
सयौँ नयाँ विमानहरू खरिद्का लागि सम्झौता गरेको छ र यसको विश्वव्यापी उपस्थितिलाई पुनर्जीवित गर्न यसको पुरानो विमानहरूमा समयसापेक्ष सुधार पनि गरेको छ । पछिल्लो थपसँगै बोइङ विमानको अर्डर संख्या २५० पुगेको एयरलाइन्सले एक विज्ञप्तिमा जनाएको छ ।
एयर इन्डियाका प्रमुख कार्यकारी क्याम्पबेल विल्सनले नयाँ विमानको खरिदले एयर इन्डियालाई विश्वस्तरीय विहान वाहक कम्पनीको रूपमा स्थापित गर्न मद्दत पुग्ने बताए।
एयर इन्डियाको बोइङ ७८७–८ ड्रिमलाइनर विमान पश्चिमी राज्य गुजरातमा दुर्घटनाग्रस्त हुँदा २६० जनाको मृत्यु भएको सात महिनापछि यो घोषणा भएको हो ।
एयर इन्डियाको अन्तर्राष्ट्रिय सञ्जाल पाँच महादेशका ३१ देशमा फैलिएको छ । यसले भारतलाई प्रशान्त महासागर अर्थात् उत्तर अमेरिका, युरोप र एसियाका प्रमुख गन्तव्यहरूसँग जोड्छ ।
यो माग अमेरिकी निर्माता बोइङको लागि एक ठूलो आकस्मिक प्रोत्साहन हो, जसले सम्पत्ति बिक्रीबाट लाभपछि सन् २०१८ पछि मङ्गलबार पहिलो वार्षिक नाफा रिपोर्ट गरेको थियो ।
कम्पनीले सुधारिएको गुणस्तर नियन्त्रणले विमानको उत्पादन बढाउन सक्षम बनाएको बताएको छ ।बोइङले सन् २०२५ मा एक अर्ब ९० करोड डलरको नाफा पोस्ट गरेको थियो, यो सन् २०२४ को ११ अर्ब ९० करोड डलर घाटाको तुलनामा उत्कृष्ठ सुधार हो ।
क्याटेगोरी :
अन्तर्राष्ट्रिय
थप समाचार
धेरै पढिएका
प्रतिक्रिया