काठमाडौं, १२ वैशाख ।शिक्षा विज्ञान तथा प्रविधि मन्त्रालयले आन्दोलनरत शिक्षकलाई वार्तामा बोलाएर सिंहदरबार प्रवेश गरेका शिक्षक महासंघका प्रतिनिधिहरु मन्त्रालय प्रवेश नगरी फर्किएका छन् ।
उनीहरु आज शुक्रबार शिक्षामन्त्रीसँग औपचारिक भेटका लागि सिंहदरबा प्रवेश गरेका थिए । आफूहरुले शिक्षा विज्ञान तथा प्रविधि मन्त्रालयबाट सार्वजनिक भएको २५ सदस्यीय नामावली तयार नगरेको पनि जनाएका छन् ।
नेपाल शिक्षक महासंघका केन्द्रीय अध्यक्ष लक्ष्मी किशोर सुवेदीले सामाजिक सञ्जालमा लेखेका छन्, ‘शिक्षा विज्ञान तथा प्रविधि मन्त्रालयबाट सार्वजनिक भएको २५ सदस्यीय नामावली नेपाल शिक्षक महासङ्घले तयार नगरेको ब्यहोरा जानकारी गराउँछौं । आज मिति २०८२ बैशाख १२ गते नवनियुक्त माननीय मन्त्रीज्यूसँग औपचारिक भेटका लागि हामी जाने क्रममा थियौँँ तर विशेष कारणबश आज हामी मन्त्रालय प्रवेश नगरी फर्किएको कुरा जानकारी गराउँछौं ।’
क्याटेगोरी : समाचार
थप समाचार
धेरै पढिएका
प्रतिक्रिया