काठमाडौं, २० वैशख । नवलपरासी पश्चिमस्थित सुनवल नगरपालिका ६ मा पोखरीमा डुब्दा दाजुभाइको मृत्यु भएको छ। शुक्रबार बिहान १० बजे घरबाट खाना खाएर हिँडेका दाजुभाइ अपराह्न ५ बजेतिर पोखरीमा मृत फेला परेका हुन् ।
सुनवल ६ पुलटोल निवासी विष्णु कुँवरका छोरा १० वर्षीय विप्सन कवंर र छोरा ८ वर्षीय दिप्सन कवंरको मृत्यु भएको इलाका प्रहरी कार्यालय सुनवलका प्रमुख सन्तोष पौडेलले जानकारी दिए। पोखरीमा एक बालक तैरिहरेको स्थानीयले देखेपछि तत्काल प्रहरीलाई खबर गरेका थिए।
पोखरीको छेउमा दुईवटा बालकको कपडा देखेपछि अर्को बालक पनि पोखरीमा डुबेको हुनसक्ने अनुमान प्रहरीले गरेको थियो।
त्यसपछि प्रहरी र स्थानीयले पोखरीभित्रै पसेर खोजी गर्दा पोखरी भित्र गाडिएको अवस्थामा अर्को मृत बालक फेला परेका थिए। उनीहरू जनसेवा माध्यामिक विद्यालयमा कक्षा २ र कक्षा ४ मा पढ्थे।
पौडी खेल्न गएको बेला डुबेको हुन सक्ने प्रहरीको अनुमान छ।
क्याटेगोरी : समाचार
थप समाचार
धेरै पढिएका
प्रतिक्रिया