कैलालीका पूर्वक्याम्पसप्रमुखको रुखले च्यापिएर मृत्यु

कैलाली, २ जेठ । हावाहुरीका कारण ढलेको रुखले च्यापिएर आज कैलालीमा पूर्वक्याम्पसप्रमुखको मृत्यु भएको छ । राष्ट्रिय कलेज सुक्खडका पूर्वक्याम्पसप्रमुख कर्ण भण्डारीको मृत्यु भएको इलाका प्रहरी कार्यालय सुक्खडका प्रहरी नायब उपरीक्षक रमेश अवस्थीले जानकारी दिए ।

उनका अनुसार आज बिहान करिब ९ बजेको समयमा आएको हावाहुरीका कारण घरनजिकै रहेको सालको ढलेको रुखले चोट लाग्दा भण्डारी गम्भीर घाइते भएका थिए ।

टाउकोमा गहिरो चोट लागेर गम्भीर भएका भण्डारीलाई उपचारका लागि घोडाघोडी अस्पताल सुक्खड पुर्‍याइएको थियो । त्यहाँ उपचार सम्भव नभएपछि थप उपचारका लागि धनगढीस्थित माया मेट्रो अस्पतालमा रिफर गरिएको थियो । भण्डारीको उपचारका क्रममा १२ : ४० बजे मृत्यु भएको अवस्थीले जानकारी दिए ।

थप समाचार

हावाहुरीले रुख ढल्दा च्यापिएर सुनवलमा २ जनाको मृत्यु

रवीन्द्र मिश्रलाई थुनामुक्त गर्न आदेश

अमेरिकाको टेक्सास राज्य संसद्‍द्वारा ‘बुद्ध डे’ मनाउने प्रस्ताव पारित

नेतृत्व फेरिएकै कारण विद्युत आपूर्तिमा समस्या नआएको विद्युत प्राधिकरणका कार्यकारी…

गभर्नर सिफारिस समितिबाट राजीनामा दिएका विश्व पौडेलविरुद्धको रिट सर्वोच्चमा दरपिठ

हिमाल जोगाउनु पृथ्वी, महासागर र स्वयं मानवता जोगाउनु हो :…