हावाहुरीले रुख ढल्दा च्यापिएर सुनवलमा २ जनाको मृत्यु

काठमाडौं । पश्चिम नवलपरासीको सुनवल नगरपालिका–७ चारपालाको भित्री सडक खण्डमा हवाहुरीले रुढ ढल्दा च्यापिएर दुई जनाको मृत्यु भएको छ ।

हावाहुरी छल्न सडक छेउको प्रतीक्षालयमा बसेको समयमा बर्रोको रुख प्रतीक्षालयमाथि ढल्दा अन्य तीन जना घाइते भएका जिल्ला प्रहरी कार्यालय पश्चिम नवलपरासीले जनाएको छ ।

रुखले च्यापिएर ज्यान गुमाउनेहरूमा सुनवल–७ चारपाला बस्ने ३० वर्षीया मीरा बयम्बु र ४० वर्षीय दुर्गाबहादुर पुन रहेका छन् । यस्तै घटनामा चारपालाकै ४० वर्षीया नरमति परियार, ५० वर्षीया दुर्गेश्वरा खाम्चा मगर र २२ वर्षीय अनिल थापा घाइते भएका छन् ।

घाइतेहरूको देवदह मेडिकल कलेज भलुहीमा उपचार भइरहेको जिल्ला प्रहरी कार्यालयका डीएसपी वीरदत्त पन्तले जानकारी दिए ।

अहिले काठमाण्डौ उपत्यकासहित देशका विभिन्न ठाउँमा हावाहुरी चलिरहेको छ ।

थप समाचार

रवीन्द्र मिश्रलाई थुनामुक्त गर्न आदेश

अमेरिकाको टेक्सास राज्य संसद्‍द्वारा ‘बुद्ध डे’ मनाउने प्रस्ताव पारित

कैलालीका पूर्वक्याम्पसप्रमुखको रुखले च्यापिएर मृत्यु

नेतृत्व फेरिएकै कारण विद्युत आपूर्तिमा समस्या नआएको विद्युत प्राधिकरणका कार्यकारी…

गभर्नर सिफारिस समितिबाट राजीनामा दिएका विश्व पौडेलविरुद्धको रिट सर्वोच्चमा दरपिठ

हिमाल जोगाउनु पृथ्वी, महासागर र स्वयं मानवता जोगाउनु हो :…