काठमाडौं । बागमती प्रदेशका नवनियुक्त मुख्यमन्त्री ईन्द्रबहादुर बानियाँ र ८ जना मन्त्रीहरूले शपथ लिएका छन् ।
प्रदेश प्रमुख दीपकप्रसाद देवकोटाले नवनियुक्त मुख्यमन्त्री र मन्त्रीहरूलाई मंगलबार अपराह्न शपथ गराएका हुन् ।
मकवानपुरको हेटौंडास्थित प्रदेश प्रमुखको कार्यालयमा आयोजित समारोहमा मुख्यमन्त्री र मन्त्रीहरूले शपथ लिएका हुन् ।
प्रदेश प्रमुख देवकोटाले संविधानको धारा १६८ को उपधारा २ बमोजिम नेपाली कांग्रेस संसदीय दल नेता बानियाँलाई मुख्यमन्त्रीमा नियुक्त गरेका थिए भने मुख्यमन्त्री बानियाँले कांग्रेसका २ र एमालेका ६ गरी ८ जना मन्त्रीहरू सिफारिस गरी प्रदेश प्रमुखले नियुक्त गरेका थिए ।
११० जना प्रदेश सांसदहरुको सिट रहेको बागमती प्रदेशमा नेपाली कांग्रेसबाट ३७ र नेकपा एमालेका २७ जना सांसद छन् ।
नेकपा (एमाले) बाट मन्त्री हुनेहरुमा
दिनेशचन्द्र देवकोटा, भौतिक पूर्वाधार मन्त्री
जयराम थापा, श्रम तथा रोजगार
भरतबहादुर केसी, वन तथा वातावरण
मधुसुदन पौडेल, कृषि तथा पशुपंक्षी मन्त्री
विन्दु श्रेष्ठ, उद्योग मन्त्री
किरण थापा मगर, स्वास्थ्य मन्त्री
नेपाली कांग्रेसबाटः
कृष्णकुमार तामाङ, खानेपानी मन्त्री
शिवराज अधिकारी, मन्त्रालय तोक्न बाँकी ।
कांग्रेसले पाएका मन्त्रालयहरूमा थप मन्त्री नियुक्त गर्न बाँकी छ । मुख्यमन्त्री बानियाँले सभापति शेरबहादुर देउवासँग परामर्श गरेपछि थप मन्त्री नियुक्त गर्न सिफारिस गर्ने सम्भावना छ । मुख्यमन्त्री बानियाँले ५ मन्त्रालय अहिले आफैसँग राखेका छन् ।
यसअघि बागमतीमा कांग्रेस नेतृत्वमै सरकार थियो । बहादुर सिं लामा तामाङ मुख्यमन्त्री थिए । उनले कांग्रेस संसदीय दल नेताको हैसियत गुमाएपछि मुख्यमन्त्री पदबाट पनि राजीनामा दिएका थिए भने कांग्रेसका नयाँ संसदीय दल नेता बानियाँ मुख्यमन्त्री बनेका हुन् ।
क्याटेगोरी : समाचार
थप समाचार
धेरै पढिएका
प्रतिक्रिया