कांग्रेसको अवरोधका बिच सदन चलाएरै छाड्ने ओलीको दाबी

ओलीले कांग्रेसको आलोचना गरे । कांग्रेसले संसदमा जसलाई भन्यो, त्यसैलाई मात्र बोल्न दिनुपर्ने भन्ने अस्वीकार्य रहेको भन्दै ओलीले कसैमाथि आरोप लगाइन्छ भने त्यो व्यक्तिलाई संसदमा बोल्छु भन्दा समय दिनुपर्ने बताए ।

अध्यक्ष ओलीले गृहमन्त्री रवि लामिछानेलाई एमालेले बोकिरहनुपर्ने कुनै जरुरी नभएको तर कसैले कसैमाथि आरोप लगायो भने आरोपित व्यक्तिले आफ्नो कुरा राख्न पाउनुपर्ने एमालेको मान्यता रहेको बताए ।

उनले बिहीबार संसद् बैठकमा कांग्रेसका सांसदहरू आफू बसेकै ठाउँमा हुल बाँधेर आएको र हातपात नै गरौँलाजस्तो व्यवहार गरेको बताए ।

कांग्रेस महामन्त्री गगन थापाले पत्रकार सम्मेलन गरेर केपी ओलीले संसद्को वातावरण बिगारेको भनेर झुट र बेइमानी कुरा गरेको आरोप पनि ओलीले लगाए ।