भारत र पाकिस्तानबीच ‘पूर्ण र तत्काल युद्धविराम’ मा सहमति भएको ट्रम्पको दाबी

एजेन्सी, २७ वैशाख । अमेरिकी राष्ट्रपति डोनाल्ड ट्रम्पले दक्षिण एसियाका दुई परम्परागत प्रतिद्वन्द्वी भारत र पाकिस्तानबीच ‘पूर्ण र तत्काल युद्धविराम’ मा सहमति भएको सनसनीपूर्ण दाबी गरेका छन् । आफ्नो सामाजिक सञ्जाल प्लेटफर्म ट्रुथ सोशलमा पोस्ट गर्दै ट्रम्पले यो सहमति अमेरिकाको मध्यस्थतामा रातभर चलेको गहन वार्ताको परिणाम भएको उनले बताए ।

‘लामो रातको वार्तापछि, मलाई यो घोषणा गर्न खुसी लागेको छ कि भारत र पाकिस्तानले पूर्ण र तत्काल युद्धविराममा सहमति जनाएका छन्,’ ट्रम्पले आफ्नो पोस्टमा लेखेका छन् । ‘यो सामान्य बुद्धि र उत्कृष्ट बुद्धिमत्ताको प्रदर्शन हो । दुवै देशलाई यो महत्त्वपूर्ण कदमका लागि बधाई ! यो विषयमा ध्यान दिएकोमा धन्यवाद !’

यो घोषणा यस्तो समयमा आएको छ, जब भारत र पाकिस्तानबीच सीमा क्षेत्रमा तनाव र आरोप(प्रत्यारोपको शृङ्खला चलिरहेको छ । विगतमा यी दुई देशबीच काश्मिर मुद्दालगायत विभिन्न विषयमा तनाव र सैन्य झडपहरू भएका छन्, जसले दक्षिण एसियाको शान्ति र स्थायित्वमा बारम्बार प्रश्न उठाउँदै आएको छ ।

थप समाचार

भारत–पाकिस्तानबीच युद्धविराम सहमतिमा अमेरिकी उपराष्ट्रपतिको आभार

भारत र पाकिस्तानबीच बढ्दो तनावका बीच संघर्षविराममा सहमति

पाकिस्तानले जम्मू सहरको कोलोनीमा आक्रमण गर्यो

पाकिस्तानी गोलाबारीमा जम्मू काश्मीरका विभिन्न स्थानमा पाँचजनाको मृत्यु, तीन घाइते

लिओ चौधौँ २६७ औँ पोप निर्वाचित

‘भारतको अपरेशन सिन्दूर’को जवाफमा पाकिस्तानले सुरु गर्‍यो ‘बुनयान–उल–मरसूस’