विवेकशील पार्टीको अध्यक्ष भइसकेका सामाजिक अभियन्ता मिलन पाण्डेले अहिलेको युवा पुस्ताको राजनीतिक जागरण उज्वल थापाले कोरेको बाटोबाट अघि बढिरहेको बताएका छन् । १३ वर्षअघि सुशील थापाले बोकेको नारा “युवा अघि सर्छ, देश अघि बढ्छ” अहिले आएर व्यवहारमै परिणत भएको बताएका हुन् । पाण्डेका अनुसार, अहिले गठन भएको सुशीला कार्कीनेतृत्वको अन्तरिम सरकारले तीन महत्वपूर्ण कामलाई प्राथमिकतामा राख्नुपर्छ । जसमा पहिलो, निर्धारित समयमा निर्वाचन सम्पन्न गराउने । दोस्रो, आन्दोलनमा भएका घटनाप्रति उच्चस्तरीय छानबिन आयोगमार्फत छानबिन गर्ने । र तेस्रो, सबै कर्मचारी र नेताहरूको सम्पत्ति छानबिनलाई तिव्रता दिने ।
त्यस्तै, पाण्डेले अन्तर्वार्तामार्फत हालका सबै नेतामध्ये तुलनात्मक रुपमा डा. बाबुराम भट्टराईमा उच्च राजनीतिक संस्कार रहेको टिप्पणी गरे । सुशीला कार्कीको सपथमा पूर्वप्रधानमन्त्रीमध्ये उनको उपस्थितिको सम्मान समेत गरे । भट्टराईमा त्यागको राजनीति रहेको र उनले पटक–पटक त्यसको प्रमाण प्रस्तुत गरेको पाण्डेको भनाइ छ । माओवादी पार्टीमा रहदा दोश्रो तहको पदबाट समेत त्याग गर्नु, पार्टी छोड्नु, आफ्नो पकड भएको गोर्खा क्षेत्र छोड्न सक्नु बाबुरामको उच्च योगदानको नमुना भएको पाण्डेको दावी छ । बाबुरामले हालै आफ्नो पार्टीको अध्यक्ष पदबाट पनि राजिनामा दिएका छन् । पाण्डेले डिजि भिजनमा दिएको उक्त अन्तर्वार्तामा विचार र व्यवहार मिल्ने सबैसँग मिलेर जान आफू उदार भएको समेत बताएका हुन् ।
क्याटेगोरी : समाचार
धेरै पढिएका
प्रतिक्रिया