माओवादी केन्द्रले हुलाकी राजमार्गकेन्द्रित तराई–मधेस जागरण अभियान किन गर्यो स्थगित ?
काठमाडौं, ११ चैत । नेकपा (माओवादी केन्द्र)ले हुलाकी राजमार्गकेन्द्रित तराई–मधेस जागरण अभियान पुनः स्थगित गरेको छ ।
गत फागुन १२ गतेदेखि झापाको कचनकवलबाट सुरू भएको जागरण अभियान फागुन २४ गते बारा पुगेर स्थगित भएको थियो। उक्त अभियान बिहीबारदेखि बाराबाटै पुनः सुरू भएको थियो। चितवनसम्म आइपुगेको अभियान सोमबारदेखि केही दिनका लागि स्थगित भएको पार्टी अध्यक्ष पुष्पकमल दाहाल प्रचण्डका प्रेस सल्लाहकार गोविन्द आचार्यले जानकारी दिए।
माओवादी केन्द्रसहितको समाजवादी मोर्चाले चैत १५ गते काठमाडौं विरोध सभा गर्दैछ। त्यसको तयारीका लागि जागरण अभियान केही दिनका लागि स्थगित गरिएको आचार्यले बताए।
उनका अनुसार काठमाडौंको कार्यक्रम सकिएपछि माओवादीले बैठक गरेर पुनः अभियानलाई निरन्तरता दिनेछ। अहिलेसम्म झापा, मोरङ, सुनसरी, सप्तरी, सिराहा, धनुषा, महोत्तरी, सर्लाही, रौतहट, बारा, पर्सा र चितवनमा अभियान सम्पन्न भएको छ।
क्याटेगोरी : राजनीति
थप समाचार
धेरै पढिएका
प्रतिक्रिया