आइसीसी महिला टी–२० विश्वकप एसिया छनोट : हङकङ र बहराइनबिचको खेल रद्द हुँदा नेपाल सुपर ‘थ्री’मा प्रवेश
काठमाडौं, २ जेठ । आइसीसी महिला टी–२० विश्वकप एसिया क्षेत्र छनोट अन्तर्गत हङकङ र बहराइनबिचको खेल वर्षाका कारण रद्द हुँदा नेपाल सुपर ‘थ्री’मा प्रवेश गरेको छ।
आइसीसीको प्लेइङकन्डिसन अनुसार डलब राउण्ड रोबिनमा नेपाल समूह चरणमा सर्वाधिक जित निकालेको आधारमा सुपर थ्री प्रवेश गरेको हो।
अब नेपालले समूह ‘ए’ र ‘बी’बाट आएका बलिया प्रतिस्पर्धी थाइल्यान्ड र यूएईसँग खेल्नेछ।
नेपालले समूह चरणमा ४ खेल खेल्दै २ जित दर्ता गर्यो। नेपालले दुवै खेलमा बहराइनलाई हराएको थियो। नेपालले हङकङसँग हार बेहोरेको थियो। एक खेल भने नतिजाविहीन बनेको थियो।
हङकङले ४ खेलमा १ मात्रै खेल खेल्न पायो। १ खेल खेलेको हङकङले नेपाललाई हराएको थियो। बाँकी खेलमा भने अंक बाँडेको हङकङले अपराजित रहँदा पनि सुपर थ्री पुग्न सकेन।
क्याटेगोरी : खेलकुद
थप समाचार
धेरै पढिएका
प्रतिक्रिया