कपिलवस्तुको वसन्तपुरमा मर्निङवाकमा निस्किएका दुई महिलाको कारको ठक्करबाट मृत्यु

कपिलवस्तु, २ जेठ । कपिलवस्तुको बुद्धभूमि नगरपालिका –१ वसन्तपुरमा मर्निङवाकमा निस्किएका दुई महिलाको कारको ठक्करबाट मृत्यु भएको छ ।

शुक्रबार बिहान करिब ५ः४५ बजे गोरुसिङ्गे–अर्घाखाँची सडक खण्डमा गोरुसिङ्गेतर्फ जाँदैगरेको बीएडी ९५९९ नम्बरको कारले उनीहरूलाई ठक्कर दिएको थियो ।

दुर्घटनामा गम्भीर घाइते भएकी ६० वर्षीय शान्ता खत्री र ६५ वर्षीय तिलकुमारी रायमाझीलाई उपचारका लागि कपिलवस्तु अस्पताल, तौलिहवा लैजाने क्रममा बाटोमै मृत्यु भएको इलाका प्रहरी कार्यालय गोरुसिङ्गेका प्रहरी निरीक्षक विराट शर्मा पौडेलले जानकारी दिए ।

कार चालक रुपन्देहीको सैनामैना नगरपालिका –५ निवासी ३२ वर्षीय खिमराज श्रेष्ठलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।

थप समाचार

ताप्लेजुङको मैवाखोला गाउँपालिकामा एक युवती मृत अवस्थामा फेला

संखुवासभाको चैनपुर मानेडाँडामा चट्याङ लागेर एकको मृत्यु

स्रोत नखुलेको १३ लाख ५० हजार रूपैयाँ सहित सिद्धार्थनगरबाट दुई…

सर्लाहीको ब्रह्मपुरीस्थित भेल्हीमा मोटरसाइकलको ठक्करबाट एक जनाको मृत्यु

मोरङको रतुवामाईस्थित मिर्चाडाँगीमा करेन्ट लाग्दा दुई जना वृद्धाको मृत्यु

चितवनको खैरहानीमा दुई समूहबिच खुडा हानाहान, तीन जना घाइते