कतार । अत्यधिक चिसोबाट बच्न हजारौँ माइलको यात्रा गरेर साइबेरियन विभिन्न प्रजातिका चराहरू कतार आउन थालेका छन्।
साइबेरिया, किर्गिस्तान, जापान, उत्तरी चीन, मङ्गोलिया लगायतका क्षेत्रमा माइनस डिग्री तापक्रम पुगेपछि साइबेरियन चराहरू जाडो छल्नका लागि कतार, दुबई लगायत खाडि राष्ट्रको समुन्द्री किनारमा आउन थालेका हुन् ।
पर्याप्त आहारा र सन्तुलित तापक्रमका कारण अन्य वर्षको तुलनामा यो वर्ष कतारमा आगन्तुक चरा आउने गरेका पाइन्छ । दोहा कतारको कर्नेस र लुसेल एरिया यस वर्ष पनि आगन्तुक साइबेरियन चराको चिरविराहट र चहलपहलले रमणीय र मनमोहक भएको छ ।
मध्य एसियाको आकाशको उडान मार्ग हुँदै चराहरू कतार आइपुग्छन् यसरी बसाइसराइ गर्ने चरा आफ्नो गन्तव्यसम्म पुग्ने दिशा तथा बाटो पहिचानका लागि सूर्य तथा अन्य ताराको अवस्थिति, नदी, भौगोलिक शृङ्खला, चुम्बकीय दिशा आदिको सहारा लिने गर्छन्। चराले बसाइसराइको बेला प्रयोग गर्ने बाटोलाई उडान मार्ग (फ्लाई वे) भनिन्छ।
विश्वमा आगन्तुक चराको लागि नौ वटा उडान मार्ग पहिचान गरिएका छन् । कतार आउने साइबेरियन चराहरू मध्य एसियाली उडान मार्गमा हुँदै कतार आउने उपयुक्त बाटो हो ।
क्याटेगोरी : समाचार
थप समाचार
धेरै पढिएका
प्रतिक्रिया