भारतमा नेपाली विद्यार्थीको शंकास्पद मृत्यु, शान्तिपूर्वक प्रदर्शन गर्दा प्रहरीद्वारा दमन र प्रतिबन्ध
कालीङ्गा इन्स्टिच्युट अफ इन्डस्ट्रियल टेक्नोलोजी (KIIT) का तेस्रो वर्षका B-Tech विद्यार्थी प्रकृति लम्साल आइतवार क्याम्पस होस्टलमा मृत अवस्थामा फेला परिन्। यो दुःखद घटनाले नेपाली विद्यार्थीहरूलाई स्तब्ध र शोकित बनाएको छ, जसका कारण उनीहरूले यस घटनाको न्यायपूर्ण अनुसन्धानको माग गर्दै शान्तिपूर्वक प्रदर्शन गरेका थिए।
आइतवार साँझ, शान्तिपूर्वक प्रदर्शन गरिरहेका नेपाली विद्यार्थीहरूलाई केलिङ्गा इन्स्टिच्युटका सुरक्षा गार्ड र दुई दर्जनभन्दा बढी प्रहरी फोर्सद्वारा कुटपिट गरिएको छ। ती विद्यार्थीहरू प्रकृतिको मृत्युको पारदर्शी अनुसन्धानको माग गर्दै क्याम्पसमा प्रदर्शन गर्दै थिए।
अधिकारीहरूले प्रकृतिको पूर्व प्रेमी आद्विक श्रीवास्तवलाई यस घटनामा संलग्न भएको आरोपमा गिरफ्तार गरेका छन्। आरोप अनुसार, उक्त छात्रालाई भारतीय पूर्व प्रेमीले अश्लील भिडियोहरू मार्फत ब्ल्याकमेल गरेका थिए। छात्राले दुई पटक IRO कार्यालयमा निवेदन दिए पनि कुनै कारबाही नभएको बताइएको छ।
यस घटनापछि विश्वविद्यालय प्रशासनले आपत्ति जनाउने टिप्पणी गरेको छ। एक अधिकारीले भनिएका शब्दहरूले नेपाली विद्यार्थीहरूमा गहिरो असन्तोष र आक्रोश फैलाएका छन्। “यहाँ तपाईंलाई सुरक्षित छैन, आफ्नो देश फर्कनुहोस्। हाम्रो विश्वविद्यालयको बजेट तपाईंको सम्पूर्ण देशको बजेटभन्दा धेरै छ,” अधिकारीको भनाइले स्थिति थप तनावपूर्ण बनाएको छ।
प्रकृतिको मृत्युको वास्तविक कारण पत्ता लगाउन र घटनामा न्याय सुनिश्चित गर्न नेपाली सरकारको भूमिका महत्वपूर्ण रहेको छ। नेपाल सरकारले भारतीय सरकारसँग समन्वय गर्दै गहिरो अनुसन्धानको माग गर्नुपर्नेछ। साथै, क्याम्पसमा रहेका नेपाली विद्यार्थीहरूको सुरक्षा सुनिश्चित गर्न भारतीय सरकारसँग संवाद गरी आवश्यक सुरक्षा उपायहरू अपनाउनुपर्नेछ।
क्याटेगोरी : समाचार
थप समाचार
धेरै पढिएका
प्रतिक्रिया