धर्मशाला उद्घाटनका लागि राष्ट्रपति पौडेल आज धरान आउने

सुनसरी । राष्ट्रपति रामचन्द्र पौडेल आज धरान आउने भएका छन् । राष्ट्रपति पौडेल राधाकृष्ण प्रणामी मन्दिरको धर्मशाला उद्घाटन गर्न धरान आउन लागेका हुन् ।

राष्ट्रपति पौडेल नेपाली सेनाको हेलिकोप्टरबाट धरानको फुस्रेमा रहेको सैनिक विद्यालयको खेल मैदानमा उत्रिएर कार्यक्रम स्थल आउने ट्राफिक प्रहरीले बताएको छ । उनले राधाकृष्ण प्रणामी मन्दिरको स्वर्ण महोत्सवको अवसरमा धर्मशाला समुद्घाटन साथै १०८ पारायण पूर्णाहुति गर्ने कार्यक्रम रहेको छ । मन्दिर स्थापनाको ५० वर्ष पुगेको अवसरमा मन्दिरद्वारा निर्मित १६ कोठे धर्मशाला साथै ब्रह्मलीन बाबाजी श्री १०८ गोपी दासको स्मृतिमा निर्मित गोपी स्मारक ध्यान साधनालयको उद्घाटन गरिने धरान ९९ का वडाअध्यक्ष रुपेश आचार्यले बताए ।

३ करोड १५ लाखको लागतमा १ कट्ठा जग्गामा १६ वटा कोठा निर्माण सम्पन्न गरिएको र धर्मशालामा उपचारका लागि धरान आउने बिरामी, कुरुवा र गरिब तथा असहायलाई निःशुल्क उपलब्ध गराइने मन्दिर व्यवस्थापन समितिले जनाएको छ ।

थप समाचार

सुनकोशी मरिण डाइभर्सन आयोजनाको ठेक्का तोड्न निकालियो सूचना

दिल्ली विस्फोटमा ‘सबै सम्भावनाबारे’अनुसन्धान हुँदै

मधेश प्रदेशमा मुख्यमन्त्री नियुक्तिको विरोधमा तोडफोड, कार्यालयमा ताला !

रुसमाथिको अमेरिकी प्रतिबन्धबीच भारत–रूसको नयाँ आर्थिक रणनीति

काम गरिरहेका छौं, तर भन्न मिल्दैन : गृहमन्त्री अर्याल

२२ वर्षपछि फेरि सुरू भयो मेरो डेरा जीवन