काठमाडौं । आज कोशी, बागमती, गण्डकी र कर्णाली प्रदेशका विभिन्न ठाउँमा गएराति र बिहान वर्षा भएको छ । कोशी प्रदेशमा अहिले पनि पानी परिरहेको जल तथा मौसम पूर्वानुमान महाशाखाले जनाएको छ ।
गएको तीन घण्टामा मोरङको हरैचामा सबैभन्दा धेरै ४० दशमलव ४ मिलिमिटर वर्षाको मापन भएको छ । यस्तै धनकुटा, झापा, इलाम, सुनसरी, खोटाङ, ताप्लेजुङ लगायतका ठाउँमा पानी परेको छ ।
आज दिउँसो पनि कोशी, बागमती र गण्डकी प्रदेश लगायत देशको पहाडी भू–भागमा मौसम आंशिकदेखि साधारणतया बदली रही बाँकी भू–भागमा मुख्यतया सफादेखि आंशिक बदली रही केही ठाउँमा मेघगर्जन र चट्याङसहित हल्का वर्षाको सम्भावना रहेको महाशाखाले जनाएको छ ।
उच्च–पहाडी तथा हिमाली क्षेत्रका एक–दुई ठाउँमा हल्का हिमपातको पनि सम्भावना छ ।
आज काठमाण्डौ उपत्यकाको तापक्रम ३०–३२ डिग्री सेल्सियससम्म पुग्ने अनुमान रहेको छ । तराईका केही ठाउँको तापक्रम ४१ डिग्री सेल्सियससम्म पुग्ने अनुमान छ ।
क्याटेगोरी : समाचार
थप समाचार
धेरै पढिएका
प्रतिक्रिया