विराटनगर, ४ जेठ । कोसी सरकारको आर्थिक वर्ष २०८२/८३ को नीति तथा कार्यक्रम भोलि (सोमबार) प्रस्तुत गरिने भएको छ । आज बसेको मन्त्रिपरिषद्को बैठकले भोलि नीति तथा कार्यक्रम प्रदेशसभामा पेस गर्ने निर्णय गरेको हो ।
कोसी प्रदेश सरकारका आन्तरिक मामला तथा कानुनमन्त्री रेवतीरमण भण्डारीका अनुसार, प्रदेशसभामा सरकारको नीति तथा कार्यक्रम प्रस्तुत गर्न प्रदेश प्रमुख परशुराम खापुङलाई अनुरोध गर्ने निर्णय गरिएको छ ।
बैठकले नीति तथा कार्यक्रम पास गरेको र प्रदेशसभामा प्रस्तुत गर्न आवश्यक व्यवस्था मिलाइदिन प्रदेशसभामा आग्रह गरेको मन्त्री भण्डारीले बताए ।
कोसी प्रदेशसभाको सातौँ अधिवेशन आइतबार (आज) देखि सुरु हुँदै छ । आजको बैठकमा प्रदेश प्रमुखले पठाएको पत्र वाचन गरेपछि दलका नेताहरूले शुभकामना दिने कार्यसूची छ ।
आजको बैठकमा केही ऐन संशोधन गर्न बनेको अध्यादेश, २०८२ पेस हुने कार्यवाहक प्रदेशसभा सचिव गौतमराज अमात्यले जानकारी दिए ।
क्याटेगोरी : प्रदेश खबर, राजनीति
थप समाचार
धेरै पढिएका
प्रतिक्रिया