सर्लाहीमा गोली लागेर एक बालक घाइते

काठमाडौं । सर्लाही सदरमुकाम मलंगवामा आज दिउँसो पेस्तोल पड्किँदा एक बालक घाइते भएका छन् । मलंगवा नगरपालिका–४ को ढाँका बोर्डर टोलमा १५ वर्षीय आकाश राम घाइते भएका हुन् ।

घर नजिकै निर्माणाधीन हनुमान मन्दिरभित्र रातो कपडाले बेरिएको अवस्थामा रहेको वस्तु फेला पारेपछि आकाशले खोलेर हेरेका थिए ।

नक्कली ठानेर चलाउने क्रममा पेस्तोल अचानक पड्किएको जनाइएको छ । गोली उनको दाहिने हातको पन्जामा लागेको छ। उनलाई उपचारका लागि तत्काल प्रादेशिक अस्पताल मलंगवा लगिएको छ । चिकित्सकका अनुसार उनको अवस्था मध्यम छ ।

प्रहरीले घटनास्थलबाट एक थान पेस्तोल बरामद गरेको छ । पेस्तोलमा पड्किएको खोका अड्किएको अवस्थामा भेटिएको र घटनाबारे थप अनुसन्धान भइरहेको प्रहरीले जनाएको छ ।

क्याटेगोरी : समाचार

थप समाचार

गैरआवासीय नेपाली नागरिकता वितरण बढ्दो, तीन महिनामा ५६६ जना लाभान्वित

६१ हजार घरधुरीमा विद्युत सेवा, ९९ प्रतिशत विद्युतीकरण

मेची भन्सारले गर्‍यो ७ महिनामा ९ अर्ब ९२ करोड बढी…

सामुदायिक भवनमा आगलागी हुँदा तीन करोड बढीको क्षति

तीनवटा मोटरसाइकल ठोक्किँदा दुई जनाको मृत्यु

नेपाल–पोर्चुगल द्विपक्षीय परामर्श संयन्त्रको बैठक शुक्रबार