काठमाडौं । झापा क्षेत्र नम्बर–५ मा मध्यान्हसम्म ४५ प्रतिशत मतदान भएको छ। मतदान अधिकृतका अनुसार दिउँसो १२ बजेसम्म उक्त अनुपातमा मत खसेको हो।
यस क्षेत्रमा कुल १ लाख ६३ हजार ३ सय ७९ मतदाता रहेका छन्। तीमध्ये ८१ हजार ८१ जना पुरुष, ८२ हजार २९६ जना महिला र दुई जना अन्य मतदाता छन्।
निर्वाचनका लागि क्षेत्रमा ६१ वटा मतदान स्थल र १८५ वटा मतदान केन्द्र तोकिएका छन्।
क्षेत्र नम्बर–५ अन्तर्गत कमल गाउँपालिकाका वडा नम्बर १ देखि ७ सम्म पर्छन्, जहाँ ४० हजार ७८६ मतदाता छन्। त्यस्तै गौरादह नगरपालिकाका वडा नम्बर १ देखि ८ सम्ममा ४१ हजार ४७५ मतदाता रहेका छन्।
गौरीगञ्ज गाउँपालिकाका वडा नम्बर ३, ४, ५ र ६ मा १५ हजार १२१ मतदाता छन् भने दमक नगरपालिकाका वडा नम्बर १ देखि १० सम्ममा ६५ हजार ९९७ मतदाता रहेका छन्।
यस क्षेत्रमा पूर्वप्रधानमन्त्री तथा नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह लगायतका उम्मेदवारबीच प्रतिस्पर्धा भइरहेको छ।
क्याटेगोरी :
समाचार
थप समाचार
धेरै पढिएका
प्रतिक्रिया