इरान-अमेरिका सैन्य तनाव इजिप्टसम्म फैलियोस् दमियाता बन्दरगाहमा दुई ग्यास ट्याङ्करमा ड्रोन आक्रमण
काठमाडौं । इरान र अमेरिकाबीच जारी सैन्य मुठभेड तथा तनाव अब इजिप्ट (मिस्र) सम्म पुगेको छ। अमेरिकी पत्रिका ‘न्यूयोर्क टाइम्स’ का अनुसार इजिप्ट सरकारले बिहीबार जानकारी दिँदै बुधबार दमियाता बन्दरगाहमा दुई वटा प्राकृतिक ग्यास ट्याङ्करमा लागेको आगो कुनै दुर्घटना नभई ड्रोन आक्रमणको नतिजा भएको पुष्टि गरेको छ। प्राप्त विवरणअनुसार ड्रोनले अमेरिकी कम्पनीको प्राकृतिक ग्यास भण्डारण ट्याङ्कर ‘एनर्गोस विन्टर’ लाई निशाना बनाएको थियो। त्यसपछि सल्केको आगो नजिकै उभ्याइएको अर्को ट्याङ्कर ‘ग्यासलग सालेम’ सम्म फैलिएको थियो।
आक्रमणलगत्तै खटिएका दमकलकर्मी तथा उद्धार टोलीले द्रुत गतिमा आगो नियन्त्रणमा लिएका कारण कुनै मानवीय क्षति (हताहती) हुन पाएन। यस आक्रमणको पछाडि इरानको हात रहेको बताइएको छ। सुरक्षा अधिकारीहरूले घटनाको विस्तृत प्राविधिक छानबिन सुरु गरिसकेका छन्।न्यूयोर्क टाइम्सले दुई इरानी गुप्तचररसरकारी स्रोतहरूलाई उद्धृत गर्दै दाबी गरेअनुसार यस आक्रमणको मुख्य उद्देश्य एक कडा चेतावनीपूर्ण सन्देश दिनु थियो।
यदि अमेरिका र इरानबीचको यो युद्ध थप चर्किएमा वा विस्तार भएमा मध्यपूर्व क्षेत्रमा मात्र नभई विश्वभरको समुद्री जहाजरानी र ऊर्जा आपूर्ति समेत गम्भीर रूपमा प्रभावित हुन सक्ने सन्देश दिन इरानले यो कदम चालेको विश्लेषण गरिएको छ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया