भारतीय सेना प्रमुख द्विवेदीले भोली प्रधानमन्त्री ओलीलाई भेट्दै
काठमाडौं। भारतीय स्थल सेनाका प्रमुख उपेन्द्र द्विवेदीले भोली (शुक्रबार) प्रधानमन्त्री केपी शर्मा ओलीलाई भेट्ने भएका छन् । दिउँसो २ बजेपछि प्रधानमन्त्री ओली र द्विवेदीको बिचमा भेटवार्ता तय गरिएको नेपाली सेनाका एकजना उच्च अधिकृतले रातोपाटीलाई बताए ।
द्विवेदीले शुक्रबार रक्षामन्त्री मानवीर राईसँग पनि भेट्दै छन् । भारतीय सेना प्रमुखले आज प्रधान सेनापति अशोकराज सिग्देलसँग भेटवार्ता गरेका छन् । भेटमा भारत र नेपालको आपसी हित र पारस्परिक सम्बन्धबारे छलफल भएको सैनिक जनसम्पर्क तथा सूचना निर्देशनालयले जनाएको छ । दुई देशका सेनाध्यक्षलाई मानार्थ महारथी दर्जा प्रदान गर्ने परम्परालाई निरन्तरता दिनेबारे दुवै सैनिक प्रमुखबिच छलफल भएको छ ।
क्याटेगोरी : समाचार
प्रतिक्रिया