मधेश सरकारले सहिद परिवारलाई स्वास्थ्य बीमा उपलब्ध गराउने
काठमाडौं । मधेश प्रदेश सरकारले सहिद परिवारलाई स्वास्थ्य बीमा उपलब्ध गराउने घोषणा गरेको छ। मधेश प्रदेशका आन्तरिक मामिला तथा सञ्चारमन्त्री राजकुमार लेखीले लोकतान्त्रिक शासन प्रणाली र मधेश आन्दोलनका सहिदका परिवारहरूलाई स्वास्थ्य बीमा प्रदान गरिने जानकारी दिएका छन्।
मन्त्री लेखीका अनुसार मधेश आन्दोलन र लोकतान्त्रिक शासन प्रणालीका लागि जीवन बलिदान गर्ने १०८१ सहिदका परिवारलाई यो सुविधा उपलब्ध गराइनेछ। यस योजनाले सहिद परिवारको स्वास्थ्य सुरक्षामा योगदान गर्ने विश्वास गरिएको छ।
मधेश आन्दोलनका सहिदका परिवारप्रति सम्मान व्यक्त गर्दै मन्त्री लेखीले प्रदेश सरकारले उनीहरूको हितका लागि निरन्तर काम गरिरहेको बताए। यस योजनाको कार्यान्वयनले सहिद परिवारलाई स्वास्थ्य सम्बन्धी राहत र सहयोग प्रदान गर्ने अपेक्षा गरिएको छ।
क्याटेगोरी : प्रदेश खबर, राजनीति, समाचार, स्वास्थ्य/जीवन शैली
थप समाचार
धेरै पढिएका
प्रतिक्रिया